Wararka Soomaalida
Gudoomiye Cirro iyo Taliye Saqadhi oo isu dhaartay
Taliyaha Ciidanka Booliska Soomaaliland Sareeye Guuto Maxamed Aadan Saqadhi oo caawa shir Jaraa’id ku qabtay magaalada Hargeysa ayaa ku goodiyay in magaalada ka dhici karin dibad-bax aan la soo marsiin habka sharciga iyo nidaamka sidoo kale marnaba aqbali doonin isku soo bax aan waafaqsanayn sharciga.
Taliye Saqadhi ayaa wuxuu intaas hadalkiisa raaciyay haddii loo hogaansamiwaayo amrkiisa talaabo sharciga waafaqsan Ciidamada Booliska ay ka gudan doonaan cidii isku dayda inay jebiso sharciga iyo kala dambaynta Soomaaliland.
Taliyaha Booliska Soomaaliland Sareeye Guuto Maxamed Aadan Saqadhi ayaa wuxuu sheegay inuu fulinayo ballan-qaad uu sameeyay maalintii uu xilka la wareegay oo uu ku sheegay inuu ku adkaan doono fulinta Sharciga Ciidanka Ammaanka sidaas awgeedna ciidamada Booliska gacan bir ah ku qaban doonaan cid kasta oo waxyeelo u geysanaysa ammaanka guud ee magaalada Hargeysa.
Gudoomiyaha Xisbiga wadani Cabdiraxmaan Maxamed Cabdullaahi Cirro oo isana Shir jaraa,id ku qabtay xarunta Xisbiga wadani ayaa dhaar ku maray in beri Hargeysa taageeriyaasha Xisbiga dibad-bax cabasho ah ka dhigi doonaan cidii ka hor istaagtana iska difaacayaan ka dib markii caawa xabsiga Wadani xabsiga loo taxaabay Afhayeenkii Xisbiga Barkhad Jaamac iyo Xoghayihii Xisbiga Khadar Xuseen Cabdi.
Gudoomiye Cirro oo talaabadaas xaruga ah si kulul u cambaareeyay ayaa ugu baaqay taageeriyaasha Xisbiga Wadani ee ah shacabka ku nool Hargeysa in beri ay iskuugu yimaadaan xarunta Xisbiga uu ku leeyahay magaalada Hargeysa cid hor istaagi karta ama diidi karta jirin.
Dhinaca kale war si hoose uu u helay Wargayska Tusmotimes ayaa sheegaya in xarunta dhexe ee Xisbiga Wadani iyo guriga Gudoomiyaha Xisbiga Wadani Cabdiraxmaan Maxamed Cabdullaahi Cirro ay isku gedaameen Ciidamo Boolis ah si ay ugu hortagaan oo ay ubaajiyaan dibad-baxa uu ku dhawaaqay Gudoomiye Cirro in beri uu qabsoomo sida aan warkan ku helnay.
MUQDISHO, Soomaaliya – Xafladda Caleema-saarka Madaxweynaha Soomaaliya Xasan Sheekh Maxamuud, ayaa maanta ka dhacay magaalada Muqdisho, gaar ahaa hoolka afisyooni oo ah halkii lagu doortay 15 May 2022, isla-markaana ku yaal xeyndaabka garoonka diyaaradaha Aadan Cadde.
Musaasabaddan lagu caleema-saaray Madaxweyne Xasan Sheekh Maxamuud ayaa waxaa ka soo qaybgalay oo ay kulmisay marti sharaf kala duwan oo ay kamid yihiin Madaxweyneyaal, Hoggaamiyeyaal, Mas’uuliyiin sare oo ka socda dowladaha caalamka, Ergo mataleysa Ururada heer Gobol, heer Qaaradeed iyo kuwa Caalamka iyo Marti sharaf kale.
Xigashadda Sawiradda: UNSOM STRATEGIC COMMUNICATIONS
Community
Munaasabad loogu dabaal degay guulaha ay dhallinyarada kooxda Twin Cities Sanaadkan soo hoysay
Waxaa magaallada St. Paul ee gobolka Minnesota lagu qabtay xaflad loogu dabaal degay guulaha ay dhallinyarada iyo da’ayarta kooxda kubadda cagta ee Twin Cities Youth Soccer Club. Munaasabadan oo si heer sarre ah loo soo agaasimay ayaa sannadkan hal ku dhigeedu ahaa “Dhallinyaradena, Mustaqbalkeena”.
Naadiga kubadda cagta ee Twin Cities ayaa ka kooban 180 dhallinyaro ah oo ay da’doodu u dhaxayso 5 sanno ilaa iyo 15 sanno. Da’yartan iyo dhallinyaradan naadiga Twin Cities Soccer Club u ciyaara ayaa ka kooban 12 kooxood. Haddaba ciyaartoydan da’da yar ayaa sannadkan soo hooyay guulo iyaga oo hantay koobab, kuna guuleystay horyaalo waaweyn oo sannad walba lagu qabto gobolka Minnesota.
Guulaha iyo koobabka ay dhallinyarada Twin Cities Soccer Club ayaa waxaa kamid ah:
- Kaalinta Koobaad USA CUP
- Kaalinta Labaad Horyaalka MYSA
- Kaalinta Koobaad Koobka Somali Week
- Kaalinta 4-aad Horyaalka MYSA
Munaasabada loogu dabaal degayey horumarka iyo guulaha ay dhallinyarada iyo Naadiga Twin Cities Soccer Club gaareen sannadkan 2021 ayaa waxaa ka soo qayb galay waalidtiin, qaar kamid ah hogaamiyeyaasha, culumadda, aqoon yahaniinta iyo madaxda gobolka Minnesota. Waxaa goobta munaasabada laga jeediyay qudbado kala duwan oo dhiiri-gelin iyo dabaal deg iskugu jiray.
Maamulka iyo macalimiinta kooxda Hawaji, Robert, Justin, Abass, Ali, Hashi, Abdiqadir Tute iyo Ahmed Indho ayaa ciyaartoyda iyo kooxaha kala duwan ee uu naadigu ka kooban yahay gudoonsiiyay Abaal-marin, hadiyado iyo shahaadooyin loogu dabaal degayo shaqada wanaagsan iyo guulaha kala duwan ee ay sannadkan soo hooyeen.
Mas’uuliyiinta iyo ciidanka dalka Liibiya ayaa xiray nin Soomaali ah oo lagu soo eedeeyay dambiyo la xiriira ka ganacsiga dadka iyo gaditaanka xubnaha bini’aadanka.
Ninkan oo magaciisa lagu sheegay Xasan Qidi, lana sheegay in uu yahay muwaadin u dhashay dalka Soomaaliya ayaa lagu eedeeyey inuu hoggaaminayey Shabakad abaabulan oo ka ganacsata Tahriibka, socdaalka sharci -darrada ah iyo gaditaanka xubnaha lagala baxo dadka iyagu tahriibka ah.
Mas’uul u hadlay ciidanka dalka Liibiya ee iyagu howl-galka lagu soo qabtay Xasan Qidi fuliyay ayaa sheegay in Xasan Qidi iyo kooxda la shaqaysata ay si ula kac ah u dileen dad aad u tiro baddan oo muhaajiriin ah si ay uga ganacsadaan xubnaha jidhkooda. Waxaa kale oo Xasan Qidi iyo Shabakada uu hogaamiyaha ka yahay lagu eedaynayaa in ay galeen dambiyo kale, sida kufsi, xabsi afdbuub ah, jir dil, iyo in ay ku qasbaan qoysaska dadka ay qabsadaan sidii ay u bixin lahaayeen madax furasho si loo sii daayo ehelladooda.
Marar baddan waxaa la maqli jiray in dad Soomaali ahi ay ku lug leeyihiin afduubka dhallinyaradda iyo Soomaalida tahriibka ah ee gacanta u gala dadka loogu magac daray “MA GAFE”, balse waa markii ugu horeysay ee dad Soomaali ah loo qabto in ay ku lug leeyihiin hogaanka dadka ka ganacsadda dadka tahriibaya iyo xubnaha jidhkooda.
Xigashadda Sawiradda: Waaxda Booliiska dalka Liibiya
-
Local News11 months agoUbax Cali oo noqotay wariyihii ugu horreeyay ee Soomaali-Maraykan ah oo TV Minnesota ku yaala wariye ka noqota
-
Local News11 months ago24-year-man charged with attempted murder, assault for gunfire exchange with Park police
-
Local News11 months agoDab ka kacay dhismii ahaan jiray dukaanka Kmart ee ku yaala wadada Lake ee Minneapolis
-
Arts & Culture11 months agoMunaasabad lagu maamuusayo sannad guuradii tobnaad ee ka soo wareegtay aas-aaska madxafka hiddaha iyo dhaqanka Soomaalida ee Minnesota
-
Arts & Culture11 months agoAward-winning artist K’naan releases new song honouring refugees
-
Local News11 months agoMinnesota honors refugees for their contributions
-
Health11 months agoResearch Brief: ‘Social capital’ contributes to food security of Somali-American households
-
Health11 months agoVaping – What Parents Should Know