Wararka Soomaalida
Nin sheegay inuu dhalay Idi Amin Madaxweynihii Uganda oo carbiska laga helay
Deegaanka Carbiska ee u dhow degmada Afgooye ee Gobolka Shabeelaha ayaa maanta waxaa lagu arkay nin sheegay inuu dhalay Madaxweynihii hore ee dalka Uganda Iidi Amiin Daada ee geeriyooday ka dib markii halkaas ay ku booqdeen Xildhibaano ka yimid dalka Uganda.
Ninkan sheegay inuu aabihiis uu yahay Iidi Amiin Daada ayaa waxaa lagu magacaabaa Sheekh Cabdulaahi Iidi Amiin Daada waxaana ninkan horey uga tirsanaa ciidanka milatariga Soomaaliya wuxuuna hada ku nool yahay deegaanka Carbiska ee Gobolka shabeelaha hoose.
Wafdigan la kulmay ninkan uu dhalay Madaxweynihii hore ee dalka Uganda ayaa waxaa hogaaminayay mudanaha lagu magacaabo Charles Okello Engola oo ah Wasiiru dowlaha Wasaaradda difaaca Uganda waxaa sidoo kale wafdigan kamid ahaa Xildhibaano katirsan guddiga difaaca Baarlamanka dalka Uganda.
Cabdulaahi Iidi Amiin ayaa sheegay in isaga iyo wiil kale oo la dhashay uu dhalay Madaxweynihii hore ee Uganda hadda ay ku nool yihiin Soomaaliya waxa uuna timaamay in hooyadood Soomaali tahay kana soo jeedo magaalada Baydhabo ee gobolka Baay.
Waxaa kaloo uu sheegay ninkan inaysan garaneyn isaga iyo walaalkiis walaalahood kale ee ay isku qoyska yihiin ee kunool Uganda iyo meelo kale ayna ubaahi qabaan in la,isbaro wuxuu kaloo tilmaamay Cabdullaahi Idi Amin Dada in Soomaalida ay la nool yihiin ee ay ka mid noqdeen ay kala la kulmeen xaalado kala duwan oo jinsi faquuqa ah.
Wasiiru dowlaha Wasaaradda difaaca Uganda ayaa u balan qaaday Cabdulaahi Iidi in warbixintiisa gaarsiin doono xubnaha qoyskiisa ee kunool Uganda uguna horeeyo walaalkiisa Taban Amin oo ah Agaasimaha hay’ad amaanka qaabilsan arimahaas oo kale.
Madaxweynihii hore ee dalka Uganda Idi Amiin Daada ayaa marar badan safaro ku yimid dalka Soomaaliya gaar ahaan magaalooyinka Beledweyne iyo Beledweyne waxay taariikhda xustaa inuu guursaday Haweeney Soomaali ah oo labo caruur ah u dhashay balse markii dambe ay is waayeen sida lagu xuso taarrikhdiisa.
Idi Amin Dada Madaxweynihii hore ee dalka Uganda ayaa wuxuu ahaa nin muslim ah islaamnidana aad ugu weynta ah wuxuuna ahaa nin wadamada Islaamka aad ujaclaayeen waxaa kaloo uu ahaa Sarkaalkii ugu darajada sareeyay wadamada Africa.
Idi Amin Dada ayaa wuxuu dhintay sanadkii 2003-dii 16 August wuxuuna ku dhintay dalka Saudi Arabia.
MUQDISHO, Soomaaliya – Xafladda Caleema-saarka Madaxweynaha Soomaaliya Xasan Sheekh Maxamuud, ayaa maanta ka dhacay magaalada Muqdisho, gaar ahaa hoolka afisyooni oo ah halkii lagu doortay 15 May 2022, isla-markaana ku yaal xeyndaabka garoonka diyaaradaha Aadan Cadde.
Musaasabaddan lagu caleema-saaray Madaxweyne Xasan Sheekh Maxamuud ayaa waxaa ka soo qaybgalay oo ay kulmisay marti sharaf kala duwan oo ay kamid yihiin Madaxweyneyaal, Hoggaamiyeyaal, Mas’uuliyiin sare oo ka socda dowladaha caalamka, Ergo mataleysa Ururada heer Gobol, heer Qaaradeed iyo kuwa Caalamka iyo Marti sharaf kale.
Xigashadda Sawiradda: UNSOM STRATEGIC COMMUNICATIONS
Community
Munaasabad loogu dabaal degay guulaha ay dhallinyarada kooxda Twin Cities Sanaadkan soo hoysay
Waxaa magaallada St. Paul ee gobolka Minnesota lagu qabtay xaflad loogu dabaal degay guulaha ay dhallinyarada iyo da’ayarta kooxda kubadda cagta ee Twin Cities Youth Soccer Club. Munaasabadan oo si heer sarre ah loo soo agaasimay ayaa sannadkan hal ku dhigeedu ahaa “Dhallinyaradena, Mustaqbalkeena”.
Naadiga kubadda cagta ee Twin Cities ayaa ka kooban 180 dhallinyaro ah oo ay da’doodu u dhaxayso 5 sanno ilaa iyo 15 sanno. Da’yartan iyo dhallinyaradan naadiga Twin Cities Soccer Club u ciyaara ayaa ka kooban 12 kooxood. Haddaba ciyaartoydan da’da yar ayaa sannadkan soo hooyay guulo iyaga oo hantay koobab, kuna guuleystay horyaalo waaweyn oo sannad walba lagu qabto gobolka Minnesota.
Guulaha iyo koobabka ay dhallinyarada Twin Cities Soccer Club ayaa waxaa kamid ah:
- Kaalinta Koobaad USA CUP
- Kaalinta Labaad Horyaalka MYSA
- Kaalinta Koobaad Koobka Somali Week
- Kaalinta 4-aad Horyaalka MYSA
Munaasabada loogu dabaal degayey horumarka iyo guulaha ay dhallinyarada iyo Naadiga Twin Cities Soccer Club gaareen sannadkan 2021 ayaa waxaa ka soo qayb galay waalidtiin, qaar kamid ah hogaamiyeyaasha, culumadda, aqoon yahaniinta iyo madaxda gobolka Minnesota. Waxaa goobta munaasabada laga jeediyay qudbado kala duwan oo dhiiri-gelin iyo dabaal deg iskugu jiray.
Maamulka iyo macalimiinta kooxda Hawaji, Robert, Justin, Abass, Ali, Hashi, Abdiqadir Tute iyo Ahmed Indho ayaa ciyaartoyda iyo kooxaha kala duwan ee uu naadigu ka kooban yahay gudoonsiiyay Abaal-marin, hadiyado iyo shahaadooyin loogu dabaal degayo shaqada wanaagsan iyo guulaha kala duwan ee ay sannadkan soo hooyeen.
Mas’uuliyiinta iyo ciidanka dalka Liibiya ayaa xiray nin Soomaali ah oo lagu soo eedeeyay dambiyo la xiriira ka ganacsiga dadka iyo gaditaanka xubnaha bini’aadanka.
Ninkan oo magaciisa lagu sheegay Xasan Qidi, lana sheegay in uu yahay muwaadin u dhashay dalka Soomaaliya ayaa lagu eedeeyey inuu hoggaaminayey Shabakad abaabulan oo ka ganacsata Tahriibka, socdaalka sharci -darrada ah iyo gaditaanka xubnaha lagala baxo dadka iyagu tahriibka ah.
Mas’uul u hadlay ciidanka dalka Liibiya ee iyagu howl-galka lagu soo qabtay Xasan Qidi fuliyay ayaa sheegay in Xasan Qidi iyo kooxda la shaqaysata ay si ula kac ah u dileen dad aad u tiro baddan oo muhaajiriin ah si ay uga ganacsadaan xubnaha jidhkooda. Waxaa kale oo Xasan Qidi iyo Shabakada uu hogaamiyaha ka yahay lagu eedaynayaa in ay galeen dambiyo kale, sida kufsi, xabsi afdbuub ah, jir dil, iyo in ay ku qasbaan qoysaska dadka ay qabsadaan sidii ay u bixin lahaayeen madax furasho si loo sii daayo ehelladooda.
Marar baddan waxaa la maqli jiray in dad Soomaali ahi ay ku lug leeyihiin afduubka dhallinyaradda iyo Soomaalida tahriibka ah ee gacanta u gala dadka loogu magac daray “MA GAFE”, balse waa markii ugu horeysay ee dad Soomaali ah loo qabto in ay ku lug leeyihiin hogaanka dadka ka ganacsadda dadka tahriibaya iyo xubnaha jidhkooda.
Xigashadda Sawiradda: Waaxda Booliiska dalka Liibiya
-
Local News11 months agoUbax Cali oo noqotay wariyihii ugu horreeyay ee Soomaali-Maraykan ah oo TV Minnesota ku yaala wariye ka noqota
-
Local News11 months ago24-year-man charged with attempted murder, assault for gunfire exchange with Park police
-
Local News11 months agoDab ka kacay dhismii ahaan jiray dukaanka Kmart ee ku yaala wadada Lake ee Minneapolis
-
Arts & Culture11 months agoMunaasabad lagu maamuusayo sannad guuradii tobnaad ee ka soo wareegtay aas-aaska madxafka hiddaha iyo dhaqanka Soomaalida ee Minnesota
-
Arts & Culture11 months agoAward-winning artist K’naan releases new song honouring refugees
-
Local News11 months agoMinnesota honors refugees for their contributions
-
Health11 months agoResearch Brief: ‘Social capital’ contributes to food security of Somali-American households
-
Health11 months agoVaping – What Parents Should Know